Art center

 И  оваа година Рудиќ Галерија ќе ви претстави уште еден наш млад перспективен автор.

Христина Трајкоска родена е на 06.08.1997 во Скопје. Таа дипломирала на Факултетот за електротехника и компјутерски науки - ФЕРИ во 2021, Марибор, Словенија. 

 Изложувала фотографии на неколку фотографски изложби:

· освоено прво место по фотографија на манифестацијата „Ние сме најдобри“ – натпревар меѓу средните училишта во Скопјe, 

· во 2013 има освоено 2ро место на Денови на Македонска Фотографија во младинска конкуренциа

· во 2018 има освоено 2ро место и во младинска и во сениорска конкуренција

Тема на изложбта е АВТОПОРТРЕТ. 

"...Автопортретите заземаат голем дел од мојата работа и преку овој проект сакам да ја истакнам нивната важност. Многу артисти од повеќе области можат да бенефицираат од нив. Тие имаат голем удел при градењето сопствен, личен стил и поттикнуваат различни чувства низ самиот процес на креирање. Mи помогнaа подобро да се запознаам себеси и да се видам од поинаква перспектива. Едноставно кажано – почнав да се чувствувам подобро во своја кожа по одредени автопортрети што ги направив. И верувам дека овој тип на фотографија може да работи во полза на многу луѓе кои се чувствуваат непријатно за себе на кој било начин.

Автопортретите се исто така одличен потсетник за чувството на ранливост пред објективот, што помага при разбирање на вашите клиенти и подобрување на комуникацијата со нив. Верувам дека со “облекувањето на туѓите чевли” може да се научи многу, да се развијат нови, креативни идеи и придобијат знаења од области што дотогаш биле неистражени..."